'સંગીત '

પેલા ખૂણામાંથી 

એ  ટપટપ કરતી બહાર આવી

લાંબી લાઈન બનાવી દોડતી ભાગતી જતી હતી ......

પાસે જઈને જોયું તો બાપ રે લાલ હતી ..કાળી નહિ

સન સન કરતી તોપના ગોળાની જેમ નીકળતી હતી

થયું આ ન ચાલે હો ..!!

બાઈને રાડ પાડી પેલો સ્પ્રે પંપ લાવ તો ..!

એ લાવી ...પ્લાસ્ટીકનું આવરણ ખચ ખચ કરીને હટાવ્યું

એના ઉદ્દભવ સ્થાન નજીક બેઠી..

એ જ ડામવું પડે ને ..??

બેતાળાવાળી નજરે જોયું ..એક બીજાને કંઈક કહેતી ..બિન્દાસ ભાગતી હતી

મારો ડર નહિ કોઈનો ય નહોતો ..અરે પેલા સ્પ્રે પંપનો પણ નહિ

એ ડેરિંગ મને સ્પર્શી ગયું ..!!!

હું ત્યાંથી ઉભી થઇ ગઈ

છો ને રહી .....

ને ક્યાંય સુધી તાલને જોતી રહી ..માણતી રહી

કીડીબાઈનું લયબદ્ધ સંગીત .